एकैदिनमा १ लाख लिटर दही खपत

१६ असार, काठमाडौँ । असार १५ अर्थात दही चिउरा खाने दिन । गाँउदेखि सहरसम्म नेपालीहरुले खेत रोपाइँसँगै दही चिउरा खाएर यो दिनलाई पर्वको रुपमा मनाएका छन् । यो चाडको अवसरमा उपत्यकामा मात्र एकै दिन करिव १ लाख लिटर दही खपत भएको छ , जुन अन्य दिनको तुलनामा ४ गुणा बढी हो ।

विगतमा गाउँघरमा मात्र सीमित दही चिउरा खाने संस्कार सहर पसेकाले आफुसँग बोकेर ल्याएकाले पनि त्यो दिन दही खपत बढेको हो । आजको कारोबार दैनिकले समाचार छापेको छ ।
उपत्यकामा सबैभन्दा बढी सरकारी स्वामित्वको दुग्ध विकास संस्थानको दही खपत भएको छ । सामान्य अवस्थामा ८ देखि १० हजार लिटर दूध विक्री गर्दै आएको संस्थानले आइतबारमात्र ४० हजार लिटर विक्री गरेको छ भने अन्य करिव ६० हजार लिटर दही निजी क्षेत्रका ठूला तथा साना डेरीले विक्री गरेको अनुमान गरिएको छ ।

असार १५ मा मागअनुसार आपूर्ति नै गर्न नसकेको डीडीसीका बजार व्यवस्थापन तथा मूल्यांकन विभागका बजार विकास अधिकृत सञ्जीव झाले बताए । डेरी उद्योग संघका अध्यक्ष प्रतिप महर्जन असार १५ मा ५ देखि ६ गुणसम्म माग आउने बताउँछन् ।

तपार्इंको प्रतिक्रिया तलको बक्समा लेख्नुस