स्वेतालाई हिरो बनाएर के बने श्रीकृष्ण?

नायक श्रीकृष्ण श्रेष्ठ चलचित्र ‘कोहिनुर’को प्रदर्शनको चक्करमा व्यस्त छन् । सिनेमा प्रदर्शन मिति नजिकिदै गएपछि श्रीकृष्णको व्यस्तता र दौडधुप पनि बढेको हो ।

धेरैलाई लाग्न सक्छ, चलचित्रका हिरो श्रीकृष्ण हुन् । तपाइको अनुमान विपरित चलचित्रले श्रीकृष्णकी प्रेमिका स्वेता खड्कालाई हिरोको रुपमा प्रस्तुत गर्दैछ ।

अनलाइनखबरसँगको एक भेटमा श्रीकृष्णले स्वेतालाई हिरो बनाएर आफूले साथ मात्र दिएको बताएका छन् । श्रीकृष्णले यसो भन्दै गर्दा स्वेताले उनलाई सलाम गरिन् ।

आकाश अधिकारीले निर्देशन गरेको यो चलचित्र साउन २३ गतेबाट प्रदर्शनमा आउँदैछ । चलचित्रले चेलिबेटी बेचविखनको कथालाई बोलेको छ । नारीले आफूलाई परेको समस्यामा आफै जुध्नु पर्दछ भन्ने सन्देश ‘कोहिनुर’ले दिन खोजेको छ ।

श्रीकृष्णले भने, ‘नारी भनेको चक्कु हो । जसलाई चलाए काटिरहन्छ, दराजमा थन्काए धार लाग्दैन ।’ यो जोडीले सिनेमा रिलिजको छेकोमै बिहे गर्दैछ । श्रीकृष्ण र स्वेताको रमाइलो भिडियो अन्र्तवार्ता सार्वजनिक गरिनेछ ।

तपार्इंको प्रतिक्रिया तलको बक्समा लेख्नुस