काठमाडौ, असार ७ - परराष्ट्र मन्त्रालयले इराकमा रहेका नेपाली नागरिकबारे जानकारी उपलब्ध गराउन टोलफ्री नम्बर उपलब्ध गराएको छ । बिहान ८ देखि राति ८ बजेसम्म मन्त्रालयमा जडित टोलफ्री नम्बर १६६०-०१-००१८६ मा फोन गरी आफन्तले जानकारी दिन सक्नेछन् ।यस्तै, रेस्क्यु एट मोफा डट जीओभी डट एनपीमार्फत इमेलबाट पनि सूचना दिन सकिनेछ ।
'इराकमा विकसित घटनाक्रम र त्यसबाट त्यहाँ रहेका नेपालीमा पर्न सक्ने प्रभावबारे मन्त्रालयले गम्भीर अनुगमन गरिरहेको छ,' मन्त्रालयले शुक्रबार विज्ञप्ति जारी गर्दै भनेको छ । सुरक्षा अवस्था अझै बिगि्रएमा त्यहाँ रहेका नेपालीको उद्धारका निम्ति आपतकालीन योजना बनाउन खडा गरिएको अन्तरमन्त्रालय टोलीले शुक्रबार बैठक बसी त्यसबारे समीक्षा गरेको विज्ञप्तिमा उल्लेख छ ।
तपार्इंको प्रतिक्रिया तलको बक्समा लेख्नुस
0 comments:
Post a Comment