स्तन क्यान्सरको उपचारमा व्यायाम लाभदायी

स्तन क्यान्सरसँग संघर्ष गरिरहेका महिलाहरुका लागि व्यायाम गर्नु निकै लाभदायी हुने एक अध्ययनले देखाएको छ । स्तन क्यान्सरको उपचार पछि आफुलाई पूर्ण रुपमा स्वस्थ बनाउनका लागि महिलाहरुले नियमित रुपमा व्यायाम गर्नु आवश्यक हुने भएपनि धेरै महिलाहरु सक्रिय नहुने गरेका अध्ययनको निष्कर्ष रहेको छ ।

अमेरिकी अनुसन्धानकर्ताहरुका अनुसार महिलाहरुमा व्यायाम गर्ने चलन भने निकै कम छ । अझ रोगको उपचार पछि महिलाहरु झनै निस्कृय बन्ने गरेको बताइन्छ । स्तन क्यान्सरबाट ग्रस्त १ हजार ७ सय ३५ जना महिलामा यस्तो अध्ययन गरिएको थियो ।

सन् २००८ देखि २०११ को अवधिमा २० देखि ७४ वर्ष उमेरका महिलामा गरिएको अध्ययनमा स्तन क्यान्सरसँग जुधिरहेका महिलामा व्यायामले पार्ने सकारात्मक प्रभावको अध्ययन गरिएको थियो । स्तन क्यान्सरको जोखिमबाट बच्न मात्र नभै स्तन क्यान्सरबाट ग्रसित तथा उपचाररत महिलाका लागि समेत नियमित व्यायाम अनिवार्य हुने शोधकर्ताहरु बताउँछन् । - See more

तपार्इंको प्रतिक्रिया तलको बक्समा लेख्नुस