सुन तस्कर छुटाउन भन्सारका हाकिम नै तल्लिन

सरकारी हाकिम र सुन तस्करबीचको मिलोमतोको अख्तियारले छानबिन गर्दै

काठमाडौं । अवैध सुन र चाँदीसहित पक्राउ परेका अभियुक्तलाई उन्मुक्ति दिन भन्सारका हाकिम नै तल्लिन रहेको खुलासा भएको छ । ६ किलो सुन ४ सय २० केजी चाँदीसहित जनकपुरबाट समातिएका नेपालका चर्चित सुन तथा चाँदी तस्कर बलरामप्रसाद गुप्तालाई उन्मुक्ति दिन पथलैया भन्सार प्रमुख सन्तोस कुमार श्रेष्ठ लागि परेका हुन् ।

समाचार स्रोतका अनुसार श्रेष्ठले आर्थिक बार्गेनिङमा गुप्तालाई छुटाउन ज्यान फालेर लागेका छन् । काठमाडौंबाट गएको प्रहरीको विशेष अनुसन्धान टोली र धनुषा प्रहरी प्रमुख उत्तम सुबेदी नेतृत्वको संयुक्त टोलीले गुप्तालाई जनकपुरबाट पक्राउ गरि अवैध सुन चाँदी र नगद तथा चेकसहित पथलैया भन्सार कार्यालयमा बुझाएका थिए । त्यतिबेला प्रहरीले उनको साथबाट ६ किलो सुन, ४ सय २० किलो चाँदी, ७३ लाख नगद र ६० लाखबराबरको चेक बरामद गरेको थियो । अवैध सुनचादी, नगद तथा चेकसहित पक्राउ परेका उनलाई छुटाउन श्रेष्ठ लागिपरेको स्रोतको भनाई छ ।

सुन तथा चाँदीकोबारेमा पथलैया भन्सारले अनुसनन्धान गर्ने भएपनि नगद र चेकबारेको अनुसन्धान सम्पत्ती सुद्धिकरण बिभागले गर्छ । सोहि अनुरुप अनुसन्धानका लागि पथलैया भन्सारबाट ७३ लाख नगद र ६० लाख चेकको बिस्तृत जाँचबुझ गर्न गुप्तालाई भन्सारले ५० दिन अगाडी काठमाडौं पठाएको थियो । अहिले गुप्तालाई सम्पती सुद्धिकरण विभागले डिल्लीबजार कारागारमा राखी मुद्दा चलाइरहेको छ । पथलैया भन्सारले भने अवैध सुन र चाँदीलाई सुरुमा अवैध घोषणा गरी ५ करोड ४० लाख नगद जरिवाना गरेपनि पछि सो प्रकरणमा श्रेष्ठले आर्थिक बार्गेनिङमा जरिवाना तिराउन आलटाल गरेको भन्सार स्रोत बताउँछ । केस मिलाउन मोटो रकमको अफर आएपछि कामको तीब्र ढिलाई गरी अवैध सम्पत्तीलाई बैध बनाउन श्रेष्ठ लागी परेका हुन्

। सुरुमा समातिएको सुन चाँदी अवैध गराई दुई करोड ६० लाख रुपयाँबाट सुरुमा २५ प्रतिशत कमिसन बाँड्ने चक्करमा पुलिस र सन्तोषको सेटिङमिलेको थियो । तर, पछि श्रेष्ठले बिचौलियामार्फत बलराम प्रसाद गुप्ताका दुई छोरा अमित गुप्ता र सुमित गुप्तालाई पथलैलामा बोलाई चोरीको पैसा फिर्ता गराउने योजना अनुसार ५० लाखबढी मागेको स्रोत बताउँछ । यसमा सहमति भएपछि केस मिलाउने चक्करमा श्रेष्ठ लागिपरेको बताइन्छ । श्रेष्ठले अवैध तरिकाले आर्थिक मोलमोलाईमा दोषीलाई उन्मुक्ति दिन खोजेको भन्दै हाल अख्तियार दुरुपयोग अनुसन्धान आयोगमा उनीविरुद्ध उजुरी परेको छ । यसबारे श्रेष्ठसँग बुझ्न पटक पटक पम्पर्क गरेपनि फोन उठाएनन् ।

यस्तै केस मिलाउन सम्पत्ती सुद्धिकरण बिभागका महानिर्देशक चूडामणि शर्माले पनि घुस मागेको भन्दै आगोगमा उजुरी परेको छ । सो केसामा सम्पत्ती सुद्धिकरण शर्माले घुस मागेको केहि दिन पहिले रातोापाटीमा प्रकाशित भएको थियो । अख्तियारले यसबारे अनुन्धान गरिरहेको बुझिएको छ । यता पक्राउ परेका बलराम सामान्य तस्कर नभएको विभिन्न स्रोतहरु बताउँछन् । कुनै बेला सुन तस्करी गर्नकै लागि बलरामले काठमाडौंबाट जनकपुरसम्म दुई ओटा बस प्रयोग गर्थे ।

काठमाडौंबाट गएको अपराध अनुसन्धानको विशेष टोलीले सुन र चँदीसहित संगेहात पक्राउ गरेपछि पनि उनको जनपुरस्थित सुन पसलबाट सुन र चाँदी बरामद भएको थियो । अहिले उनका दुई छोराहरु चाहिँ बाहिरै बसेर अनुसन्धान प्रभावित पार्न तल्लीन छन् ।

उनीहरुको छुट्टछुट्टै नाममा दर्ता भएका एएस इन्टरनेसनल र श्रीसाई ट्रेडर्स जनकपुरमै छन् । राजश्व स्रोतका अनुसार बलराम गुप्ता र उनका छोरा अमित र सुमितको खातामा वार्षिक ३० करोड कारोबार भएको देखिन्छ । पसल पनि उनीहरुको नाममा रहेको हुँदा आवश्यक छानबिन गरी पक्राउ गर्ने तयारी भइरहेको छ । उनीहरुले गर्ने गरेको अवैध कामले राज्यलाई वार्षिक करोडौं घाटा हुने गरेको स्रोत बताउँछ । यसरी अवैध तस्करीबाट राज्यलाई करोडौं घाटा भइरहँदा यस्ता प्रवित्तिलाई सरकारकै जिम्मेवार अधिकारीले प्रसय दिइरहेका छन् ।
साभार स्रोत रातो पाटी डटकम 

तपार्इंको प्रतिक्रिया तलको बक्समा लेख्नुस